टोमॅटो व कोबी स्वच्छ धुवून बारीक चिरून घ्यावेत. गॅसवर कढई गरम करण्यासाठी ठेवावी. त्यात एक चमचा तेल टाकावे. तेलात तेजपान, दालचिनी, काळे मिरे, लवंग, काही वेलची, हिरवी वेलची टाकून भाजावी. काजू व तिळ टाकावेत व थोडे भाजावे. नंतर बारीक चिरलेली कोबी, टोमॅटो, अद्रक, कोथिंबीर टाकावी छान परतावे. चवीनुसार मीठ घालावे व वाफ येण्यासाठी झाकण ठेवावे. नरम झाले कि काढावे व थंड करायला ठेवावे. अशाप्रकारे थंड झाल्यावर मिक्सर मधून बारीक पेस्ट करावी.
पुन्हा गॅसवर कढई ठेवून त्यात बाकिचे तेल टाकावे. गरम तेलात हिंग, जिरे पावडर, धने पावडर, लाल तिखट, गरम मसाला घालावा. गरम तेलावर परतून घेतल्यानंतर तयार पेस्ट घालावी. सर्व पुन्हा एकदा परतावे. झाकण ठेवून वाफ घ्यावी. ग्रेव्हीत पूर्ण तेल छान वर येते आणि ग्रेवी तयार झाली.
बिना कांदा लसणाची ही ग्रेवी चवदार बनते. या ग्रेवी पासून कोणत्याही मनपसंत भाज्या बनवू शकतो.